woh firaaq aur woh wisaal kahaaN ?

woh firaaq aur woh wisaal kahaaN ?
woh shab-o-roz-o-maah-o-saal kahaaN ?

[ firaaq = separation, wisaal = meeting, shab = night, roz = day, maah = month, saal = year ]

fursat-e-kaarobaar-e-shauq kise ?
zauq-e-nazzaraa-e-jamaal kahaaN ?

[ zauq = delight/joy, jamaal = beauty ]

dil to dil wo dimaaGH bhee na rahaa
shor-e-sauda-e-KHatt-o-KHaal kahaaN ?

thee woh ik shaKHs ke tasavvur se
ab woh raanaai-e-KHayaal kahaaN ?

[ tasavvur = imagination, raanaai-e-KHayaal = tender thoughts ]

‘eisa aasaaN naheeN lahoo rona
dil meiN taaqat jigar meiN haal kahaaN ?

[ haal = spiritual ecstasy ]

hamse chooTa qamaar_KHaana-e-ishq
waaN jo jawaiN, girah meiN maal kahaaN ?

[ qamaar_khaana = casino, girah = knot/joint ]

fikr-e-duniyaaN meiN sar khapaata hooN
maiN kahaaN aur ye wabaal kahaaN ?

[ wabaal = calamity ]

muzmahil ho gaye quwa’a ‘GHalib’
wo anaasir meiN ‘eitdaal kahaaN ?

[ muzmahil = exhausted/idle, quwa’a = limbs, anaasir = elements, ‘eitdaal = moderation ]

Kamini Duniya

Kameeni Duniya

is kameeni duniya ma
kitny hi kameeny log basey
jab kam ho to miltay han,
kamena pan dikhaty han.
is kamene dunia me,
kamenay log hi bastay han,
kameeno k is jhurmat me,
kisi ko tanha jab paty han,
Jhoot se is ko wo apnay,
muthi me kar jaty han.
is kameni duniya ma,
kamenay log hi bastay han.
muthi me kar k is masoom ko,
apna kam nikalwaty han,
kamena pan dikhaty han,
in kamenay logo k,
rang roop niralay hoty han,
aur dhang b niraly hoty han,
Ankho se utar k wo dil me,
ahista ahista samaty han,
Eman-o-dil ko badal k wo,
phir kameny chaly jaty han.
Is kameni dunia me,
kameny log hi bastay han.
Matlab me jo miltay han,
Apna kam nikalwaty han,
waqt paarnay par badal jaty han
In me bhary han eyoob kae,
na rishtay in se mehfooz sahi,
Rishtay jo na nibhatay han,
han wahi kameeny bastay jaty han,
is kamini dunia me,
han sab hi kameny hoty han,
Han sab hi kameny hoty han.

I write this Poem. And i love this poem.

Pyaari maa mumma

Ghum ki ye zanjeerein pighal jayengi
Ho khuda pe bhi asar
Tu duaon ka hai ghar
Meri maa meri maa
Pyaari maa mumma
maa meri maa
Pyaari maa mumma

Bigdi kismat bhi sawar jaayegi
Zindagi taraane khushi ke gayegi
Tere hote kiska dar
Tu duaon ka hai ghar
Meri maa meri maa
Pyaari maa mumma
maa meri maa
Pyaari maa mumma

Yun to main sabse nyaara hoon
Tera maa main dulaara hoon
Yun to main sabse nyaara hoon
Par tera maa main dulaara hoon
Duniya mein jeene se zyada uljhan hai maa
Tu hai amar ka jahaan
Tu gussa karti hai
Bada achcha lagta hai
Tu kaan pakadati hai
Badi zor se lagta hai
Meri maa

Meri maa meri maa
Pyaari maa mumma
maa meri maa
Pyaari maa mumma

Haathon ki lakerien badal jayengi
Ghum ki ye zanjeerein pighal jayengi
Ho khuda pe bhi asar
Tu duaon ka hai ghar

Meri maa meri maa
Pyaari maa mumma
maa meri maa
Pyaari maa mumma

Dil Dhoondta, Hai Phir Wohi, Fursat Ke Raat Din

Dil Dhoondta, Hai Phir Wohi, Fursat Ke Raat Din
Baithe Rahen ,Tasavurey, Jaana Kiye Huey
Dil Dhoondta, Hai Phir Wohi

Ya Jaadhon Ki Narm Dhoop Aur, Aangan Mein Letkar,
Aankhon Se Kheench Kar Tere Aanchal Ke Saaye Ko,
Aundhe Padhe Rahe Kabhi ,Karwat Liye Huey
Dil Dhoondta Hai

Ya Barfili Sardiyon Mein, Kisi Bhi Pahad Par,
Vaadi Mein Gunjti Hui, Khaamoshiyan Soone
Aankhon Mein Bheege Bheege Se ,Lamhe Liye Huey
Dil Dhoondta Hai

woh firaaq aur woh wisaal kahaaN ?

      woh  firaaq aur  woh wisaal  kahaaN ?
        woh shab-o-roz-o-maah-o-saal kahaaN ?

        [ firaaq = separation, wisaal = meeting, shab = night,
          roz = day, maah = month, saal = year ]

      fursat-e-kaarobaar-e-shauq  kise ?
        zauq-e-nazzaraa-e-jamaal  kahaaN ?

        [ zauq = delight/joy, jamaal = beauty ]

      dil to dil wo  dimaaGH  bhee na rahaa
        shor-e-sauda-e-KHatt-o-KHaal   kahaaN ?

       thee woh ik shaKHs ke tasavvur se
        ab woh  raanaai-e-KHayaal  kahaaN ?

        [ tasavvur = imagination, raanaai-e-KHayaal = tender thoughts ]

      'eisa   aasaaN   naheeN   lahoo   rona
        dil meiN taaqat jigar meiN haal kahaaN ?

        [ haal = spiritual ecstasy ]

       hamse    chooTa   qamaar_KHaana-e-ishq
        waaN jo jawaiN, girah meiN maal kahaaN ?

        [ qamaar_khaana = casino, girah = knot/joint ]

      fikr-e-duniyaaN meiN sar khapaata hooN
        maiN   kahaaN  aur  ye  wabaal  kahaaN ?

        [ wabaal = calamity ]

       muzmahil  ho  gaye quwa'a 'GHalib'
        wo  anaasir  meiN 'eitdaal kahaaN ?

        [ muzmahil = exhausted/idle, quwa'a = limbs, anaasir = elements,
          'eitdaal = moderation ]

Din raat key anay janay mein

Din raat key anay janay mein
dunya key ajaib khanay mein

kabhi sheeshay dhundlay hotay hain,
kabhi manzar saaf nahin hotay…
kabhi suraj baat nahin kerta,
kabhi taray ankh badaltay hain…
kabhi manzil peechay rehti hay,
kabhi rastay agay chltay hain!!!

Kabhi asain tor nahin charhti,
kabhi khadshay pooray hotay hain.
Kabhi ankhain deikh nahin saktein
Kabhi khwab adhoray hotay hain.

yeh sab shai tu hay leikin
is ashoob key manzar namay mein
din rat key anay janay mein
dunya key ajaib khanay mein

Kabhi saya karti ankhon key
payman tu dikhai detay hain
hathon sey agarchay door sahi

Manzil sey koson door sahi
per door sahi, ranjoor sahi,
zakhmon sey musaffir choor sahi
per kis sey kahein, “ay-jan-e-wafa”
“kuch ghao tu aisay hotay hain
jinhain zakhmi aap hi dhotay hain
bin roye huay anso ki tarah
sapnay mein chupa ker rakhtay hain
or sari umar nahin rotay

Neendain bhi muhaya hoti hay
sapnay bhi door nahin hotay
kiyon phir jagtay rehtay hain??
kiyon sari raat nahin sotay???

Ab kis sey kahein a jan-e-wafa, a ahl-e-wafa
kis aag mein jaltay rehtay hain,
kiyon bujh key rakh nahin hotay.
imkan tu dikhai detay hain

One of my most favorite ones.

Wish I could bring you back.Wish I could tell you how much you are missed.

after closing eyes.

Jis din band karli apni aankhein ,

Kai aankhon se us din aansu barsenge,

Jo kehte hai ki bahut tang kartey hain hum unhe,

Wahi humari ek shararat ko tarsenge…. ……..

Jo hoga…

Ab kyun us din ka zikar karo

Jab dil tukre ho jaye ga

Aur saare gham mitt jaayein ge

Jo kuch paaya kho jaaye ga

Jo mill na saka woh paayein ge

Yay din to wohee pehla din hai

Jo pehla din tha chahat ka

Hum jis ki tamanna karte rahe

Aur jis se har dum darte rahe

Yay din to kitni baar aaya

So baar basay aur ujar gayay

So baar luttay aur phir paaya

Ab kyun us din ki fiqar karo

Jab dil tukre ho jaaye ga

Aur saare gham mitt jaayein ge

Tum khauf-o-khatter se dar guzro

Jo hona hai so hona hai

Gar hansna hai to hansna hai

Gar rona hai to rona hai

Tum apni karni kar guzzro

Jo hoga dekha jaaye ga.

Faiz Ahmed Faiz

kyaa ruKhsat-e-yaar kii ghaDii thii

kyaa ruKhsat-e-yaar kii ghaDii thii

kyaa ruKhsat-e-yaar kii ghaDii thii
ha.Nsatii hu_ii raat ro paDii thii

ham Khud hii hue tabaah varnaa
duniyaa ko hamaarii kyaa paDii thii

ye zaKhm hain un dinon kii yaaden
jab aap se dostii baDii thii

jaate to kidhar ko tere vahashii
zanjiir-e-junuuN ka.Dii paDii thii

Gam the ki 'Faraz' aaNdhiyaaN thii
dil thaa ki 'Faraz' pankhudii thii

us ne kahaa sun

us ne kahaa sun
ahad nibhaane kii Khaatir mat aanaa
ahad nibhaanevaale aksar majabuurii yaa
mahajuurii kii thakan se lauTaa karate hain
tum jaao aur dariyaa dariyaa pyaas bujhaao
jin aaNkhon men Duubo
jis dil men bhii utaro
merii talab aavaaz na degii
lekin jab merii chaahat aur merii Khvaahish kii lau
itanii tez aur itanii uuNchii ho jaaye
jab dil rode
tab lauT aanaa

Insaan aur bad

Yon hasi aati hai mujh ko haz-rate Insaan per.

Kare bad tu khud kare, Laanat kare Shaitaan per

Ye mashq-e-gham-naveesi mera shoq tu nahin hey - Saadgi

Ye mashq-e-gham-naveesi mera shoq tu nahin hey
na hi zindagi ka noha mera khaas mashghala hey
par sochta hoon waqt ney mujhey aesa kya dia hey
jisey koi wajah bana kar mein khushi sey jhoom jaaoon
mein aainon ke rukh par muskaan apni deikhoon
ya mosamon ki dhun par koi naghma gun’gunaaoon!
mein wafoor-e-dard-o-ranj sey jo kuch bhi seekh paaya
wo tajurbat bechney ko koi dukaan nahi sajaai
ye haadson ke qissey to bas yunhi likh raha hoon
mein ney kaaghzon ke ooper koi numaaish nahi lagaai!

tum bhi Khafaa ho log bhii beraham hai.n dosto

tum bhi Khafaa ho log bhii beraham hai.n dosto
ab ho chalaa yaqii.n ke bure ham hai.n dosto 

kis ko hamaare haal se nisbat hai kyaa kare.n
aa.Nkhe.n to dushmano.n kii bhii pur_nam hai.n dosto 

apane sivaa hamaare na hone kaa Gam kise
apanii talaash me.n to ham hii ham hai.n dosto 

kuchh aaj shaam hii se hai dil bhii bujhaa bujhaa
kuchh shahar ke chiraaG bhii maddham hai.n dosto 

is shahar-e-aarazuu se bhi baahar nikal chalo
ab dil kii raunaqe.n bhii ko_ii dam hai.n dosto 

sab kuchh sahii 'Faraz' par itanaa zaruur hai
duniyaa me.n aise log bahut kam hai.n dosto

:@

:@

us ne kiun kulhari mari khud k pairo par? au phir chalny k qabil bhi na rahi.

Us ne dosro ka bhala karny k liye  apny pair par kulhari mari thi aur ab phir us ne apny pair par phir kulhari marna shuru kar di ha. mar kar bhi, halan k marny k bad to us ko sab ki haqeeqat malom ho gae ha. us k bawajood bhi, ab bhi wo bewaqoof is kameeni duniya ki help karny chati ha. Kiun, chahti ha wo. me ne usay bohot samjhaya. wo bohot stupid rahi thi apni zindagi me, us ne kabhi kisi ka bura nahi chaha tha, aur hamesha is kameeni dunia na us k sath bura kia. usay bura hi kaha. wo beywaqoof thi. bohot ziyada beywaqoot. statements aur saying parha karti thi, to samjhny lagi ho ge k zindagi me aysy hi hota ho ga. aur us ne b wahi kia. acha hi karti rahi har aik k lie. kisi par nahaq ilzam nai lagaya. lakin khud khud ... aur us k sath kia hua, naiki kar dariya me daal.Us ko khud par itna aitmad tha k samjhti thi k aik k achy honay se us ki surrounding bhi achi ho sakti ha, lakin nahi. wo is sadi me jee rahi thi. 1400 saal pehly ki waqt me nahi.

mujhy tars ata ha us par. bohot tars ata ha.

who like what?

Dunia ko muskuraty huay chand chehry pasand hoty han, un ko sarahty aur un hi ko sir ankho par bithaty han.
jin ki ankher roshan hon, na k nam hon.
jin ka chehra phol ki tarah khila ho, na k khizan ki tarah ujra hua. chahy khizan lany wali dunia hi kiu na ho.

Dil aur Dimagh

Bay  Khatar  Kood  para  ISHQ  mein  Aatish-e-Namrood
Aqal  hai  Mehway  Tamasha-e- Labe  Baam Abhi !!!
Kuchh Loug  Moqam-e-Ishq ko apni manzil samajhte hai  ,

kuchh loug  Aqal ko fouqiyat dete hain aur  sari Zindagi  mamlat ko aqal  ke  paimanay se  parakhte  hain.
Lekin  haqeeqat   ye  hai  k  Kamyabi  aur  Baqa   un  logoon  ko hi  naseeb  hoti hai jo Ishq-e-Haqeeqi  mein  khud ko fana kar dete hain.

Ishq  aur  Aqal mutzad hain.
Ishq  ka talluq  Dil se hota hai  aur  Aqal ka  talluq  Dimagh se hota hai.
Aqal   Daleel  mangti hai ,
Ishq  kisi daleel ka muhtaaj nahi , is  mein  dil ko sirf Yaqeen hasil  hota  hai.

Aqal ko “Main” ke  siwa kuchh nazar nahi aata
Ishq  mein   sirf  “Too hi  Too” hota hai,

Aqal , Takabbur mein  mubtala karti hai.
Ishq Aajzi aur Adab sikhata hai,

Aqal  har bat mein  Nafa aur  Nuqsan  dekhti hai.
Aashiq  ko sirf  Mehboob   se  gharz  hoti hai,aur Mehboob ki raza hi maqsood hoti hai.

ALLAH TA’ALA ko  ishq ke Andaz pasand hain.
Quran  Pak  mein  mazkoor hai  k  Jab  ALLAH TA’ALA ne  Farishtoon ko  hukum  diya k  AADAM (Alaih Salam)  ko  Sajda karo   tu  sab  ne  Sajda  kiya  Siwaey  IBLEES ke.

Jab  ALLAH  TA’ALA ne  Iblees  se is ki  wajah pochhi  tu Us ne  Daleel  yeh di  ;
“AADAM  matti se hai  aur  MEIN  aag  se  hoon,  Mein  Bashar ko sajda kuen karoon? “Iblees ne  khud ko NABI se compare kiya,  Wo aqal par bharosa kar baitha. Jab  us ki  aqal ne  Apna aap  dikhaya  tu  wo  Takabbur  mein  mubtala  ho  gia aur  ALLAH ki  nafarmani ka murtakib hua. Us k paas “Ilm” tu tha lekin  “Ma’refat” nahi thi.. Us ki  Gustakhi ne hamesha k liye us ko Mardood  bana diya.

Iblees  ka  “Ma’bood “ tu  tha  lekin  “Mehboob” koi nahi tha.

Doosry  taraf,  Farishtoon  ne Ishq   ka daman pakra.  Wo bhi jante the  k “yeh  Bashar hai” lekin  unhoon ne  Aqal ko  chhor  kar   ADAB ko ikhteyaar kiya.  Un ki  A’AJZI  aur  Adab  ne  un ko  Bargah-e- ILAHI  mein  moqarrab bana diya.

Jab  Ishq  Sikhata  Hai  Aadab-e- Khud  Aagahi
Khulte  hain  Ghulamoon  pe  Israr-e- Shehan shahi

ALLAH  Rabbul Izzat  ko  A’ajzi  aur  Adab pasand  hai. Jahan  Ishq  hota hai  Wahan Mehboob ka  Adab bhi  hota hai.
Ishq  koi ma’mooli cheez nahi,……

Yeh  tu  Wo  Jazba hai jo ik  Musalmaan ko  Kamil  Momin banata hai.
Jab tak  Dil  mein  Ishq-e-Rasool( Sallal lahu Alaihe Wa’alehi Wassallam)  na  ho  IMAAN hi  mukammal nahi  hota.

Aur  Imaan ke  beghair  koi  amal  ALLAH  ki  bargah  mein  maqbool  nahi.
Buhat se  Loug  aisay bhi hote hain  Jo Sirf  A’amaal ke  zarye   Qurb-e-Ilahi ki manazil   tay  karna chahte hain.

Jin logoon ne   direct  ALLAH se  Muhabbat karma  chahi ,  direct   ALLAH ke  Qurb ke  Talabgaar huwe un se ALLAH Pak ne  Farmaya:
Mujh se  Muhabbat karte ho , tu Mere  NABI(Sallal lahu Alaihe Wa’alehi Wassallam)  ke Sachay  AASHIQ ban jao,….

Meri  Rehmat  ko pana hai, tu  DAMAN-E-MUHAMMAD( Sallal lahu Alaihe Wassallam) ko  thaam lo,…
Meri  Ata’at  karma  chahte ho, tu  Mere MUSTAFA(Sallal lahu Alaihe Wassallam) ke  Ba’adab GHULAM ban jao,…..

Mera  Qurb pana chahte ho, tu  Mere  HABEEB(Sallal lahu Alaihe Wassallam) ke WAFADAAR ban jao,…..
Mere Mehboob banna chahte ho tu, Mere HABEEB(Sallal lahu Alaihe Wassallam) ke  JAAN NISAR ban jao,….

Meri  Raza  ki  Talab hai ,tu  Mere  Mehboob  RASOOL(Sallal lahhu Alaihe Wassallam)  ko  RAZI karo.
RAB TA’ALA  ne farmaya:

Ae  Bando!  Mein  RAB hoon. Mera Koi  Shareek  nahi, Meri  Zaat hi Ebadat k  laiq  hai.Mein  Qadir-e- Mutaliq Hoon.  Tumhain  Yeh  Sab  Meine  Apnay  HABEEB(Sallal lahu Alaihe Wassallam)  ke  Zarye  se  bataya hai.Meri  Zaat ka  Irfaan Tum  ko  Mere  MUSATAFA(Sallal lahu ALiahe Wassallam)   se  mila  hai.Is liye  agar  Mere  banna  chahte  ho  tu  Mere  MUSATAFA  ke  ban  Jao.Mujh tak  pohanchanay  wala  har  Rasta  MERE MUSTAFA(Salall lahu Alaihe Wa’alehi Wassallam)  se  shroo’ hota hai.

Ki  MUHAMMAD(Salla lahu Alaihe Wassalalm) se  Wafa  Too  Ne , Tu  HUM Tere  hain,
Yeh  Jahan  Cheez  hai  kia ? LOH  O  QALAM  Tere  hain

ALLAH Pak  se yehi Dua  aur  Ilteja  hai;
YA  RAB!  Mujay  Dolat-e- Bay Kali Milay,
Mujay Izterab ki  lehar  Milay….
Yoon  Doboon  ISHQ-E-NABI  mein ...
k Mujay Apni bhi na  Khabar  Milay!!!!

Jumma- Friday