ibtidaa-e-'ishq hai rotaa hai kyaa

ibtidaa-e-'ishq hai rotaa hai kyaa
aage-aage dekhi'e hotaa hai kyaa
[ibtidaa-e-'ishq = initial stages of love]

qaafile meiN subaH ke ik shor hai
y'ani Gaafil ham chale sotaa hai kyaa
[qaafila = caravan] [Gaafil = unaware]

sabz hotee hee naheeN yeh sar-zameeN
tuKHm-e-KHvaahish dil meiN tu botaa hai kyaa
[sabz = green] [tuKHm-e-KHvaahish = desire]

yeh nishaan-e-'ishq haiN jaate naheeN
daaG chhaatee ke 'abas dhotaa hai kyaa
[abas = idly]

Gairat-e-yusuf hai yeh qissa 'azeez
"Meer" isko ra'egaaN khotaa hai kyaa
[Gairat-e-yusuf = upon Yusuf/Joseph's honor]
['azeez = dear, honorable]